COVID-19
- COVID-19 Home
- Situation Update
- About COVID-19
- Testing
- Vaccine
- Protect Yourself & Others
- Medications
- Materials & Resources
- Stories of Community Outreach & Partnership
- Contact Us: COVID-19 Questions
Information for
- Health Care
- Prisons, Detention Centers, & Homeless Service Sites
- Schools & Child Care
- Institutions of Higher Education
Related Topics
Contact Info
Kuaj Mob COVID-19 Hauv Zej Zog
Kho tshiab 8/14/2024
Thov tau dawb cov twj kuaj mob COVID-19 sai siv rau tom tsev: www.covidtests.gov
- Yog koj xav tau kev pab thov cov twj kuaj mob siv rau tom tsev, ces hu rau MDH tus xov tooj rau pej xeem ntawm 1-833-431-2053.
- Tsis tas muaj ntawv pov hwm kev kho mob (insurance) los yeej thov cov twj kuaj mob tau.
Muaj pub rau txhua leej txhua tus
- Leej twg uas nyob hauv Minnesota yeej mus kuaj tau kab mob COVID-19 nyob rau cov chaw kuaj uas sib koom hauv zej zog.
- Yuav teem thiab tsis teem sijhawm ua ntej los yeej kuaj tau.
- Muaj neeg txhais lus (nyob rau tom qhov chaw thiab hauv xov tooj) pab txhais koj yam lus rau koj.
- Qee cov chaw kuaj muaj cov Neeg Saib Xyuas COVID-19 pab taw qhia txheej txheem kev kuaj rau koj. Koj mus cuag thiab thov kev pab ntawm ib tug Neeg Saib Xyuas COVID-19 (COVID-19 Community Coordinator) sijhawm twg los tau.
Koj siv Lub Koom Haum Tswj Xyuas thiab Tiv Thaiv Kab Mob (CDC) qhov website Nrhiav Chaw Kuaj Mob COVID-19 Pub Dawb los mus nrhiav cov chaw kuaj uas nyob ze koj kuj tau.
Kev kuaj yog pub dawb xwb, tsis tas muaj ntaub ntawv kho mob
Tag nrho cov nuj nqi kuaj ntawm cov chaw kuaj mob hauv zej zog yog raug them nrog koj lub tuam txhab them nqi kho mob lossis tsoom fwv ntawm lub teb chaws lossis lub xeev. Yuav tsis muaj nuj nqi dab tsi rau koj them.
- Yog koj muaj ntawv kho mob, koj yuav raug nug txog koj cov ntaub ntawv ntawd es thiaj li xa cov nuj nqi mus rau koj lub tuam txhab them nqi kho mob tau.
- Yog koj tsis muaj ntawv kho mob los yog tias koj daim ntawv kho mob them tsis tas cov nuj nqi, cov nqi seem yeej yuav raug them kom tsis txhob muaj nuj nqi dab tsi rau koj.
- Tsis txhob them koj lub tuam txhab kho mob lossis tus kws kho mob uas kuaj mob COVID-19 rau koj.
Cov kev kuaj uas muaj pub
Cov chaw kuaj mob hauv zej zog muaj cov kev kuaj nrog qaub ncaug Polymerase Chain Reaction (PCR), kuaj tom tsev uas nrws qhov ntswg (muaj ib lub npe hu tias “kuaj nrog tus kheej” thiab), lossis ob hom huv si. Yog cov kev kuaj no tsis haum rau koj, ces tiv toj koj tus kws kho mob nug txog lwm yam kev kuaj.
- Yog qhov kev kuaj meej tshaj plaws.
- Cov kev kuaj pom tshwm tias muaj mob thiab tsis muaj mob yeej ntseeg tau tias tseeb. Tsis tas koj yuav rov kuaj dua.
- Tej zaum yuav yog ob peb hnub thiaj yuav paub tias kuaj tshwm li cas vim yuav tsum xa cov kev kuaj mus rau tom lub chav kuaj.
- Yog ib qho kev kuaj uas muaj kev meej tsawg zog, tshwj xeeb yog tias koj tsis muaj tsos mob dab tsi.
- Yog kuaj pom tshwm tias muaj mob lawm ces yeej ntseeg tau tias tseeb. Yog kuaj pom tias muaj mob lawm ces tsis tas kuaj dua.
- Yog kuaj pom tias tsis muaj mob, ces pom zoo rau koj rov kuaj dua, rau lub sijhawm uas raug, thiaj li paub meej tias koj tsis mob COVID-19. Mus thov kev pab cuam tau ntawm ib tug Neeg Saib Xyuas COVID-19 Hauv Zej Zog (CCC) COVID-19 Community Coordinator.
Lus Qhia: Nug rau cov Neeg Saib Xyuas COVID-19 Hauv Zej Zog (CCC) seb lawv puas muaj cov twj kuaj mob sai pub dawb uas koj mus nqa tau los siv.
Yuav kuaj mob rau thaum twg
- Kev kuaj mob rau lub sijhawm uas raug yuav pab tau koj:
- Zam kev kis mob COVID-19 rau lwm tus neeg nyob puag ncig koj.
- Ntsuam xyuas seb koj puas tsim nyog txais Tshuaj Kho Mob COVID-19 (COVID-19 Medications).
- Txiav txim seb puas tsim nyog koj siv sijhawm mus nyob ze ib tug neeg uas muaj feem siab mob hnyav los ntawm COVID-19.
- Yog koj muaj tsos mob ces mus kuaj mob tam siv.
Thaum twg kuv thiaj yuav tsum mus kuaj? Cov yam ntxwv mob (yeeb yaj duab)
Thaum twg kuv thiaj yuav tsum mus kuaj? Cov yam ntxwv mob (Suab lus kaw tseg) - Yog koj tau mus nyob ze ib tug neeg uas tej zaum mob COVID-19, ces koj tsim nyog mus kuaj mob thaum puv tsib hnub tom qab ntawd.
Thaum twg kuv thiaj yuav tsum mus kuaj? Kev Nyob Sib Ze (yeeb yaj duab)
Thaum twg kuv thiaj yuav tsum mus kuaj? Kev Nyob Sib Ze (Suab lus kaw tseg)
Ntaub Ntawv Qhia Ntxiv
- Hais Txog COVID-19
- Qhov website Yeeb Yaj Duab Rau Kev Lis Kab Mob COVID-19 muaj ntau cov yeeb yaj duab qhia txog ntau yam ntawm kab mob COVID-19 xws li kev nyab xeeb ntawm kev txhaj tshuaj tiv thaiv thiab yuav looj ntaub npog qhov ncauj qhov ntswg li cas. Muaj ua ntau yam lus.
- COVID-19: Tiv Thaiv Koj Tus Kheej & Lwm Tus
Cov Chaw
Kev Kuaj Mob COVID-19 Hauv Zej Zog: Cov Chaw (website lus Aaskiv) muaj ntaub ntawv qhia txog cov koom haum uas muaj kev kuaj mob COVID-19 pub rau cov neeg hauv Minnesota. Nrhiav lub nroog uas nyob ze rau koj tshaj plaws. Cov chaw kuaj mob no tsis yog khiav nrog Minnesota Lub Tuam Tsev Saib Xyuas Kev Noj Qab Haus Huv. Thov tiv toj mus rau cov chaw ua ntej yuav mus, koj thiaj paub lawv cov sijhawm kuaj mob.
Yog xav tau kev pab nrhiav ib qho chaw kuaj mob, xav paub seb yuav ua li cas yog koj muaj mob, lossis yog muaj lus nug lwm yam txog kab mob COVID-19, ces hu rau MDH tus xov tooj rau pej xeem: 1-833-431-2053.